深水埗社區客廳- 童遊奇幻世界 活動回顧

小朋友同廳長講咗小秘密：成功野生捕獲Okie Bobie！
原來係BobieLand 衝出錄影廠，走入深水埗社區客廳同咁多位會員見面啊。
活動當日，Okie Bobie同一班園長、小隊長嚟到客廳，同大家大玩緊張刺激嘅熱身遊戲，在旁嘅大人小朋友都睇到好肉緊，好難先分得出勝負。
除咗挑戰性十足嘅互動遊戲之外，園長仲同小朋友講繪本故事同表演魔術，帶領小朋友進入色彩繽紛嘅夢幻世界，好似去咗主題樂園玩咁開心啊！