【足球令我更專注自己】

作為理文門將嘅陳嘉豪，經常喺一場又一場嘅賽事中力挽狂瀾。細細個就喺街場踢波嘅嘉豪，由於年紀最細成日被指派守龍，自此踏上守門員之路，喺每場比賽中把守最後一關。對於足球，嘉豪咁樣形容：「足球令我更專注自己，喺訓練同比賽當中可以令我拋開煩惱，完全投入享受其中嘅樂趣。」

每一場比賽中，面對唔同挑戰，嘉豪需要時刻保持集中，作出迅速而準確嘅判斷，而佢亦透過每次比賽所累積嘅經驗不斷成長：「每當成功撲救，都會令我充滿成功同滿足感，亦係令我堅持落去嘅熱情所在。」回憶起23/24球季，他隨理文喺香港超級足球聯賽中奪冠，係佢職業生涯中一個重要的里程碑：「球隊上下整季都保持穩定性，攞到聯賽冠軍係大家努力嘅成果，亦係我喺職業生涯中一手一腳完成嘅聯賽冠軍。」

對於年輕球員，佢希望大家能夠珍惜每一個上場嘅機會：「每一個出場機會都係好難得，要好好把握，唔好等失去機會後先後悔。」

相關文章：港超聯2024/25賽季最精彩的煞科戰，理文、大埔兵分兩路爭冠軍！細數歷屆港超聯最標誌性賽事
相關文章：當足球成為職業賽事：你不可不知的港超聯背景、歷史故事及影響
相關文章：葉鴻輝：「足球已經係我生活中不可分離嘅一部分！」
相關文章：顏卓彬：「面對挑戰，係對足球嘅熱愛令我一直堅持。」
相關文章：基哥利：「足球係我生命嘅意義。」
相關文章：陳肇鈞：「足球嘅競爭性改變咗我整個人生。」