【籃球係我嘅生命】

25歲嘅香港籃球員葉耀邦，主打前鋒，現時效力香港甲一籃球聯賽球隊南華，以無限嘅熱情同堅持，喺籃球場上全力追尋夢想。對佢嚟講，籃球唔單止係一項運動，而係一個充滿挑戰同滿足嘅旅程：「籃球唔單止係一項運動，而係豐富我生命嘅禮物，佢畀咗好多嘢我，包括成長、挑戰自己嘅機會，同埋無窮嘅動力。」

葉耀邦表示，每次代表中國香港隊出外比賽，都係佢籃球生涯中最難忘嘅時刻：「能夠以香港隊身份，喺國際賽場上同世界各地嘅球隊對戰，係我細個以嚟嘅夢想。」

對於場內外嘅挑戰，葉耀邦分享：「我一直堅持，因為我想進步，亦好享受籃球帶比我嘅挑戰同滿足感。」佢嘅執著精神，激勵住每一位籃球愛好者。

面對懷抱籃球夢嘅年輕一代，葉耀邦勉勵：「希望大家唔好輕易放棄，相信自己一定做到。只要努力同堅持，你一定能夠實現屬於自己嘅籃球夢。」

葉耀邦用行動向大家展示，籃球不僅限於比賽中，更係一個成長同圓夢嘅旅程。期待佢未來喺球場上繼續創造屬於香港籃球嘅精彩篇章！