東華三院黃笏南中學鐵餅好手呂柏誼，自言曾因身形而感到自卑，但正正因為遇上伯樂，讓她在田徑場上重新認識自己。對柏誼而言，鐵餅不只是一項比拼力量的運動，更是一段找回自信與價值的旅程。

由學界B Grade一路成長至A Grade，再站上精英賽冠軍頒獎台，她以「將勤補拙，精益求精」為信念，一步一擲，拋出屬於自己的學界里程碑。

• 學界｜訪談
• 學界｜小檔案
• 學界｜快問快答

學界｜訪談

問：點樣開始接觸鐵餅？呢個運動對你有咩重要性？

答：
我主要玩鐵餅同埋室內賽艇。啱啱踏入中學嗰陣，因為身形問題覺得好自卑正當我迷惘之際。後來係體育老師發現我嘅潛力，邀請我加入田徑隊。漸漸我喺體育路上找到純粹的快樂同埋自己的價值，呢份喜悅支撐咗我嘅生活。

問：分享下最難忘嘅比賽回憶？

答：
最難忘一定係中五嗰年嘅全港學界精英田徑比賽。精英賽奪冠一直都係我嘅目標，為此付出過好多汗水同努力。能夠喺嗰次比賽終於達成目標，對我嚟講係一個刻骨銘心嘅里程碑，肯定咗我五年嚟嘅付出，亦成為我繼續進步嘅動力。

問：學界last dance，有咩感受？

答：
五年時間轉眼就過，好感恩可以喺學界最後一年達到預期目標，再攞到冠軍。更加難忘嘅係，能夠同隊友一齊取得歷史性女子A Grade團體第四名，為我嘅學界運動員生涯畫上一個完美句號。

學界｜小檔案

呂柏誼 - 小檔案

身高：170cm
擅長項目：鐵餅、室內賽艇
最佳成績：33.61M （鐵餅）
學校：東華三院黃笏南中學
戰績：

• 2025-2026年度 港九區中學校際田徑比賽（D1學界田徑）鐵餅項目 女子A Grade 冠軍
• 2024-2025年度 港九區中學校際田徑比賽（D1學界田徑）鐵餅項目 女子A Grade 冠軍
• 2023-2024年度 港九區中學校際田徑比賽（D1學界田徑）鐵餅項目 女子B Grade 冠軍
• 2023-2024年度 港九區中學校際田徑比賽（D1學界田徑）鉛球項目 女子B Grade 冠軍
• 2024-2025年度 香港學界田徑精英賽 - 鐵餅項目 冠軍
• 2024-2025年度 港九及九龍地域中學校際比賽 — 中銀香港室內賽艇盃 女子A Grade 500米 冠軍
• 2023-2024年度 港九及九龍地域中學校際比賽 — 中銀香港室內賽艇盃 女子B Grade 500米 亞軍
• 2022-2023年度 港九及九龍地域中學校際比賽 — 中銀香港室內賽艇盃 女子B Grade 500米 冠軍

偶像/靈感來源：教練同學校體育老師
人生格言：將勤補拙 精益求精

學界｜快問快答

問：用一句說話形容自己

答：活力四射，過度活躍。

問：離別學界在即，有咩說話想同學弟學妹講？

答：繼續努力，永不言敗，相信自己，搏盡無悔。用輕鬆嘅心情，同時保持認真嘅態度，去面對之後每一場比賽。