【壁球是建立自信的來源】

香港壁球運動員何家晞，五歲嗰陣因為爸爸帶佢同細佬去玩，就開始接觸壁球。由興趣變成信念，由球場變成舞台：「壁球是我自信，亦是我與家人情感的橋樑。」疫情期間無波打嘅時候，佢仍堅持自主訓練，慢慢發現：「我真係好鍾意打壁球，亦希望將佢變成自己嘅職業。」

「今年四月，我攞到轉為職業運動員三年生涯以嚟嘅第一個職業賽冠軍！」講起呢場比賽，佢仲記得當時激動到到喊咗出嚟：「嗰場比賽對我嚟講係一場好大嘅鼓舞，都係令我有繼續走下去動力。」

講到最艱難嘅訓練：「一定係體能訓練，尤其係休賽期嗰陣嘅暑期訓練。仲記得一兩年前同成班隊友一齊跑無數次城門河，跑到皮膚好似都白唔返，就令我好驚！」但每次完成訓練後嘅成功感，成為佢堅持落去嘅動力來源。

未來路仍然清晰：「我最近想挑戰下一個職業巡迴賽冠軍，同時突破世界排名頭100。」希望可以逐步喺國際賽舞台上有屬於自己嘅位置。」

面對後生一輩，佢一句講晒：「做運動員係真係辛苦㗎，但我都唔會咁快畀你哋追過我，所以一齊努力啦！」

相關文章：梁子軒：「壁球是我人生啟蒙老師。」
相關文章：何子樂：「儘管曾經跌倒，但每次都能重新站起。」