【壁球人生．決心無限】

香港男子壁球代表鄧銘漮，自細就用球拍打出屬於自己嘅人生色彩。對佢嚟講，壁球唔止係一項運動，更係佢人生嘅縮影：「壁球代表人生，係靠自己去掌握，添上屬於自己嘅豐富色彩。」

第一次接觸壁球，係因為小學嘅體育老師推薦。當時一試就愛上，升中之後更加立志以壁球作為職業方向，畢業後毅然轉做全職運動員。

對佢嚟講，訓練中最大挑戰係「如何真正進步」。有時覺得自己練得好好或者覺得自己有進步嘅時候，但比賽仍然輸波，就會質疑自己。不過，佢後來明白輸波唔代表無進步，只係代表仲未夠好，或者唔夠相信自己嘅能力。曾經以為職業生涯走下坡，點知嗰陣竟然打出自己職業生涯中最高世界排名，仲擊敗咗世界排名更高嘅對手！

未來，鄧銘漮嘅大目標係2026年亞運會，希望挑戰團體賽衝金、個人項目獎牌，再創佳績。

對懷有壁球夢嘅年輕人，鄧銘漮寄語：「只要你下定決心，就不要後悔，勇往直前，成功就在前面。」

相關文章：梁子軒：「壁球是我人生啟蒙老師。」
相關文章：何家晞：「壁球是我自信，亦是我與家人情感的橋樑。」
相關文章：何子樂：「儘管曾經跌倒，但每次都能重新站起。」
相關文章：黃祉謙：「壁球填滿了我經歷的每一頁。」
相關文章：劉子均：壁球是我的人生導師。