梁子軒：「壁球是我人生啟蒙老師。」
【用意志突破界限】
人生有無一樣嘢，係你一接觸就唔想放低？對香港壁球運動員梁子軒嚟講：「壁球是我人生啟蒙老師。」由細個為咗減肥而打波，最後一路打入港青，再踏上職業之路。
（圖片來源：受訪者提供）「杭州第19屆亞運會攞到兩面銅牌，分別係團體賽同個人賽嘅銅牌，亦係我第一次喺亞運呢個國際舞台奪得嘅第一面個人獎牌。」喺眾多亞洲頂尖選手之中突圍而出，對佢嚟講唔單止係一份榮耀，更加係對多年努力最好嘅肯定。
原以為成績會一路向上，但轉職業後一年多，子軒發現自己對熱敏感，只要天氣一熱就起風癩，無辦法繼續比賽同訓練：「已經同咗教練講打算退役，但正值嗰年亞運，因為唔甘心，想試埋亞運先。」結果佢喺第18屆亞運會贏咗銀牌，之後積極接受治療，學識點樣同敏感共存，令佢更加珍惜每一日打壁球嘅日子。
「2028年奧運首次加入壁球項目，我好想係我壁球生涯踏上這個舞台。」呢個夢，佢正一步步準備，等機會嚟嘅時候，可以全力出擊。
（圖片來源：受訪者提供）「每日都做最好的自己，機會係留俾有準備的人。」一句簡單卻實在嘅鼓勵，送畀所有追夢嘅年輕運動員。
